डोणगाव येथे दोन दिवसीय निशुल्क आरोग्य चाचणी शिबिराचे आयोजन करून सर्वसामान्य जनतेसाठी मोठा दिलासा देण्यात आला. या शिबिरात सर्व प्रकारच्या आरोग्य तपासण्या, आवश्यक औषधोपचार, नेत्र तपासणी तसेच चष्मेवाटप करण्यात आले. ग्रामीण व गरजू नागरिकांनी या उपक्रमाचा मोठ्या प्रमाणावर लाभ घेतला.
याचबरोबर डोणगाव बस स्थानकाजवळील अनेक वर्षांपासून बंद असलेले मुतारीघर पुन्हा जनतेसाठी खुले करण्यात आले. जन्मदिवसाच्या बॅनरबाजीवर होणारा अनावश्यक खर्च टाळत स्वखर्चातून मुतारीघराची संपूर्ण दुरुस्ती, साचलेली घाण साफसफाई, तसेच लोखंडी पूल उभारून ते सार्वजनिक वापरासाठी खुले करण्यात आले.
“श्रीमंत तर अनेक झाले, पण दातृत्वाची क्षमता फार थोड्यांकडे असते,” हे शब्द आज राजेंद्र पळसकर यांनी कृतीतून सिद्ध करून दाखवले. जन्मदिनी स्वतःवर खर्च न करता गोरगरीब जनतेच्या उपयोगी पडणाऱ्या कामांवर खर्च करावा, असा आदर्श त्यांनी समाजासमोर ठेवला आहे.
हा उपक्रम म्हणजे लोकसेवेची खरी ओळख असून, अशा सामाजिक बांधिलकीतूनच लोकप्रतिनिधी जनतेच्या हृदयात स्थान मिळवतात, हे पुन्हा एकदा अधोरेखित झाले